30 vjeçarët më së shumti vizitojnë parashikuesit e fatit (VIDEO)

Psikologji apo dhunti e të folurit. Dikush beson e dikush jo. Ky është arti i parashikimit të fatit ose ndryshe siç njihet tek ne "falli“. Janë 30 vjeçarët që parapëlqejnë t’i vizitojnë parashikuesit e fatit. “Mosha 27 deri në 40, janë më së shumti që vijnë tek unë”, thotë astrologja Velsa Dragusha, njofton Klankosova.tv. https://www.youtube.com/watch?v=ZYAhrdQYCj8 Sipas saj, janë të gjitha moshat që të paktën një herë në jetën e tyre kanë vizituar parashikuesit e fatit apo kanë gjetur metoda të tjera për të parashikuar fatin e tyre. “Të paktën njëherë në jetë njerëzit e kanë provuar ta parashikojnë fatin. Edhe nëse nuk beson në parashikuesit e fatit, persona të tillë vijnë tek unë dhe më thonë se kam ardhur vetëm ta shuaj kurreshtjen”, ka treguar Dragusha në emision “Familja Ime”, ku po debatohej “Ndikimi psikologjik i parashikimit të fatit”. Disa thonë që janë fallxhoret ato që ndikojnë në nënvetëdijen e njeriut që më pas e shtyjnë të besojnë se vërtet diçka e mirë apo e keqe do të ndodhë me ta. Nga ana tjetër, psikologët rekomandojnë kujdes ndaj parashikimit të fatit dhe assesi të mos mbështeten tek parashikimet e fatit për rrjedhën e ngjarjeve të jetës. "Shumë persona besojnë dhe e jetojnë jetën në bazë të asaj që i ka thënë një parashikues i të ardhmës. Personi nuk duhet mbështetur tek parashikimet e fatit për rrjedhën e ngjarjeve të jetës së tyre”, ka thënë psikologia Doruntina Podrimqaku në emisionin "Familja Ime“ në Klan Kosova. https://www.youtube.com/watch?v=AEeWlpjFcTc