1.6 milionë banorë: Gjysma e Kosovës shehërli, gjysma katundarë (VIDEO)

Agjencia e Statistikave të Kosovës prezantoi sot rezultatet e para përfundimtare të regjistrimit të popullsisë. Shteti i ri evropian ka mbi 100 mijë banorë më pak se në regjistrimin e vitit 2011. Megjithatë, këta që duan të rrinë në Kosovë, jetën kanë vendosur ta bëjnë më shumë nëpër banesa, në të cilat janë vendosur rreth 21 për qind e popullësisë, e që sipas Agjencisë së Statistikave të Kosovës, shumicën po i blejnë. Rezultatet treguan se për këto objekte banimi dominojnë banesat me pronësi  me 92.8 për qind, derisa ato me qira dhe format e tjera mbesin të ulta me 5.3 për qind dhe 1.2 për qind. Rrjedhimisht, kosovarët kanë ndryshuar edhe vendbanimet. Nga 38.0 për qind, kalimi për jetesë nga fshatrat në qytete ka arritur në 50.2 për qind derisa numri që vazhdojnë të jetojnë në katunde ka rënë nga 62 për qind në 49.8 për qind. Për më tepër, ndiqni kronikën e përgatitur nga gazetarja, Gremisa Latifi: https://www.youtube.com/watch?v=2tP-ej-tD9c