Lajmet e fundit
Para se të arrinte famë si i dashuri i Hannah’s, në serialin e famshëm televiziv "Girls", Adam Driver kaloi dy vjet e gjysmë në ushtrinë amerikane.
Ylli i nominuar për Oscar u frymëzua për t’u bashkuar me ushtrinë në moshën 18-vjeçare pas sulmeve të 11 shtatorit 2001 në Kullat Binjake në Nju-Jork.
Aktori indian Bikramjeet Kanwarpal është djali i një oficeri të ushtrisë indiane, nënkoloneli Dwarka Nath Kanwarpal.
Bikramjeet iu bashkua ushtrisë në vitin 1989, duke u pensionuar në vitin 2002, pasi kishte arritur gradën Major.
Një vit më pas, ai bëri debutimin e tij në Bollywood, duke luajtur në filma të tillë si "Grand Masti" dhe "Drive".
Para se të bënte një punë të gjatë dhe fitimprurëse duke luajtur disa nga rolet më të frikshme dhe të shëmtuara të kinematografisë, aktori britanik Christopher Lee, 93-vjeç, ishte një ushtarak.
Edhe para se të shpërthente Lufta e Dytë Botërore, Lee kishte luftuar me Ushtrinë e Finlandës, përpara se të bashkohej me Forcën Ajrore Mbretërore Britanike.
Aktori i famshëm koreano-jugor bëri debutimin e tij në aktrim në vitin 2008 në "A Frozen Flower", duke luajtur më pas në shumë filma dhe seriale televizive.
Joong-ki, 37-vjeç, u regjistrua për shërbimin e tij të detyrueshëm ushtarak në vitin 2013 në kampin e 102-të në Chuncheon.
Pas lirimit të tij nga detyra në maj 2015, ai u rikthye në dramën "Descendants of the Sun", në atë që luajti një oficer ushtarak.
“Të jetuarit si ushtar më bëri më të pjekur dhe arrita të fitoj përvojë jetësore”, tha ai.
Reperi dhe aktori Ice-T, emri i vërtetë i të cilit është Tracy Lauren Marrow, u bashkua me ushtrinë amerikane në tetor 1977 në një moshë 19-vjeçare.
Pas stërvitjes bazë, ai u caktua në Divizionin e 25-të të Këmbësorisë, përpara se të shkojnte në pushim pa pagesë për një muaj ndërsa priste gjykimin për vjedhjen e një qilimi.
Marrow, 64-vjeç, u vendos më vonë në Hawai, ku filloi të interesohej për muzikën rap. Ai u lirua nga shërbimi me nder në dhjetor të vitit 1979, pas dy vjetësh shërbimi.
Aktori i "It's a Wonderful Life" dhe fituesi i Oskarit, James Stewart, mbetet aktori më i respektuar në botën ushtarake falë përfshirjes së tij në çlirimin e Francës gjatë Luftës së Dytë Botërore.
Piloti amator iu bashkua ushtrisë amerikane kur vendi i tij hyri në luftë në 1941. Ai shërbeu për 27 vjet, duke përfshirë misionet në Luftën e Vietnamit.
Aktori dhe modeli bëri debutimin e tij të aktrimit në serialin televiziv koreano-jugor "Prokurorja Princeshë" në vitin 2010 përpara rolit të tij të parë në dramën e suksesshme "Secret Garden".
Jong-suk, 33-vjeç, mori pushim nga karriera e tij për të përfunduar shërbimin e detyrueshëm ushtarak në vitin 2019. Megjithatë, lëndimet që ai mori gjatë një aksidenti me makinë kur ishte 16-vjeç nënkuptonin se ai nuk ishte i aftë për detyrën aktive.
Shumë kohë përpara se të niste karrierën e tij në komedi në filma të tillë si "The Hangover", "Step Brothers" dhe "The War with Grandpa", Riggle ishte një marins amerikan i dekoruar.
Duke u bashkuar me ushtrinë në vitin 1990 pasi mori licencën e pilotit, ai vendosi synimet e tij për t'u bërë një aviator detar.
Pasi shërbeu nëntë vjet në detyrë aktive, ai u largua për të ndjekur karrierën e tij në humor, duke kaluar në Rezervën e Trupave Detare të Shteteve të Bashkuara dhe duke shërbyer në Liberi, Kosovë, Shqipëri dhe Afganistan.
Ai u shpërblye me Shiritin e Veprimit Luftarak për turneun e tij në Kosovë dhe doli në pension në janar 2013 pas 23 vjetësh shërbimi.
Aktori fitues i Oscar dhe Golden Globe u regjistrua në Forcat Ajrore të SHBA-së menjëherë pas shkollës së mesme në 1955.
Duke refuzuar një bursë në Universitetin Shtetëror të Xheksonit për të studiuar dramë, Freeman donte të ndiqte pasionin e tij për fluturimin dhe u trajnua për të qenë një riparues i radarëve gjurmues automatikë.
Megjithatë, ëndrrës së aktorit të "Seven" për t'u bërë pilot iu dha një goditje kur ai filloi stërvitjen e tij dhe kuptoi se nuk ishte ajo që ai mendonte se do të ishte.
“Kur po i afrohesha pranimit për trajnimin e pilotëve, më lejuan të hipja në një aeroplan reaktiv. U ula aty duke parë të gjithë ata butona e numra, dhe pata ndjenjën e qartë se isha ulur në hundën e një bombe. Ju nuk jeni të dashuruar me këtë; ju jeni të dashuruar me idenë e kësaj".
Pas katër vjetësh në Forcat Ajrore, ai u lirua me nder si një aviator i klasit të parë në 1959. /Klankosova.tv
