Rama, VV-së: Po i ngatërron marrëdhëniet Kosovë-Shqipëri në çorbën e balotazheve komunale

Kryeministri shqiptar, Edi Rama në reagimin e tij drejt Lëvizjes Vetëvendosje, thotë se kjo parti po ngatërron marrëdhëniet institucionale të Kosovës me Shqipërinë në “çorbën e balotazheve komunale”. Ai thekson se nuk është në asnjë lloj gare me VV-në dhe, për këtë arsye, shpreh keqardhje për ngatërrimin e raporteve mes dy shteteve, transmeton Klankosova.tv. “Por unë s’jam në asnjë lloj gare me Lëvizjen dhe më vjen keq që Lëvizja i ngatërron marrëdhëniet institucionale të Kosovës me Shqipërinë në çorbën e balotazheve komunale”, thuhet në postimin e tij. Po ashtu, Rama ia kujtoi Vetëvendosjes qëndrimet e saja të para 10 vjetësh, duke shkruar se Lëvizja nuk njihte as himnin e Kosovës e jo më pafajësinë e Hashim Thaçit. “Ndërsa për qëndrimet e para 10 vjetëve - kur ajo nuk njihte as himnin e Kosovës e jo më pafajësinë e Hashim Thaçit, të cilin do ta donte përjetësisht në Hagë - i kujtoj Lëvizjes se Gjykata Speciale u ngrit për trafikun e organeve, jo për të marrë peng Presidentin e Republikës së Kosovës. Dhe e fundit, unë as nuk jam organizator e as nuk jam folës i protestës gjithëkombëtare “Drejtësi për Çlirimtarët”, të cilën e mbështes megjithë zemër e do t’i bashkohesha si pjesëmarrës i thjeshtë, nëse nuk do të isha i vetëdijshëm se çdo politizim me dashje ose jo i asaj nisme, do të dëmtonte qëllimin dhe popullaritetin e saj”, përmbyllet postimi i shefi të qeverisë shqiptare, njofton Klankosova.tv. Në artikullin e mëposhtëm gjeni të plotë reagimin e Ramës drejt VV-së: https://klankosova.tv/111protesta-per-clirimtaret-ne-tirane-rama-i-reagon-ashper-vv-se-para-10-vjetesh-se-njihte-pafajesine-e-thacit/