Një start magjik: BBVK çeli sezonin me emocione të fuqishme – krejt çka ndodhi

Mbrëmjen e 17 nëntorit nisi spektakli më i madh në vend, Big Brother VIP Kosova 4. Që në hapje u kuptua se ky edicion do të sillte emocione të paharruara, net pa gjumë dhe ditë plot argëtim. Formati gjigant, përveç ndryshimeve drastike në shtëpinë më të madhe në vend, është kujdesur të sjellë edhe një kast të veçantë, me karaktere nga më të ndryshmet, duke premtuar një sezon dinamika dhe surpriza të vazhdueshme. Po ashtu, këtë vit opinionet rreth banorëve do t’i ndajnë dy gra. Olta Gixhari është rikthyer edhe në këtë edicion, ndërsa Leonora Jakupi është ulur për herë të parë në karrigen e opinionistes, duke u shprehur e emocionuar. Risi tjetër këtë vit kishte edhe brenda shtëpisë. Për herë të parë, ajo do të jetë dykatëshe, me dhomë gjumi edhe në katin e sipërm, duke e bërë kështu edhe më të veçantë se më parë. I papritur ishte momenti kur teologia Ikballe Huduti anuloi hyrjen në shtëpinë më të famshme në vend, për shkak të përkeqësimit të shëndetit të bashkëshortit të saj. Siç u njoftua në PRIME, bashkëshorti i saj ishte shtrirë në QKUK. Megjithatë plot 19 banorë u bën pjesë e edicionit më të ri të BBVK, të cilët janë: Hygerta Sako, Benita Zena, Getoari, Elijona Binakaj, Klodian Mihaj, Mentor Haziri, Alba Pollozhani, Toney, Ardit Stafa, Nailir Piri, Bia Khalifa, Linda Rei, Edi Kuçi, Kushtrim Kelani, Shkurta Haxhia, Dolce, Ibro Deli, Londrim dhe Sasa Hoda. Ndoshta konkurrentët e rinj kanë menduar se nata e parë do të ishte vetëm një prezantim i tyre, por jo! Vëllai i Madh ua rezervoi një befasi aspak të pritshme. Pasi Londrimi dogji të gjitha valixhet e banorëve, të gjithë u dërguan automatikisht në nominim. Loja nisi që në natën e parë, e bashkë me të edhe përplasjet. Adhurues të BBVK-së, qëndroni para ekraneve tuaja, sepse ky edicion premton t’ju bëjë për vete! /Klankosova.tv https://www.youtube.com/watch?v=HIrMQW9KtQs