13 vjeçarja me lëkurë ''gjarpri'' sa herë del në diell! (FOTO)

Një 13 vjeçare nga India, është detyruar të bëjë jetë ndryshe nga të tjerët. Kjo për shkak të një gjendjeje të rrallë shëndetësore që e bën lëkurën e saj të rrjedh gjak sa herë i ekspozohet dritës së diellit, transmeton Klan Kosova. ''Gjithçka që mund të bëj është të shoh fëmijët e moshës time që luajnë dhe gëzojnë jetën e tyre. Unë shpesh pyes veten se pse i jam nënshtruar këtij lloj ndëshkimi nga Perëndia. Çfarë mëkati kam kryer për të vuajtur kështu?'' ka thënë ajo në një intervistë për mediat e huaja. Madje ajo ka deklaruar se ndjen keqardhje pasi miqtë e saj e quajnë atë ''Vajza Gjarpër'' . Vedika Gupta vuan nga çrregullimi gjenetik 'ichthyosis', e cila e ka "mbyllur" atë në dhomën e saj të gjumit. Ekzistojnë 20 lloje të ndryshme të ichthyosis, të cilat mund të ndikojnë më pak se në tre fëmijë të lindur në vit në Mbretërinë e Bashkuar. Pasi ka bërë vizita tek mjekë të ndryshëm, të cilët nuk kanë arritur të lehtësojnë vuajtjen e Vedikës, adoleshentja ka filluar përdorimin e një locioni trupi që ndihmon në parandalimin e tharjes së lëkurës, transmeton Klan Kosova.