11.4 milionë dollarë për shtëpinë e Tom Cruise

Tom Cruise e shiti shtëpinë hiq më pak se 11.4 milionë dollarë. Ai nuk është më pronar i vilës së tij madhështore në Hollivud. 53 vjeçari duket se i ka hyrë biznesit të shitjes për shkak se kohëve të fundit është përfolur se edhe shtëpinë e tij në Beverly Hils e ka vënë në shitje për 20 milionë dollarë dhe se shpreson të gjejë një blerës. Vila e tij në Hollivud është mahnitëse me një pamje të mrekullueshme pranë kodrave. Gjithashtu ka një kuzhinë të stilit fermer italian. Shtëpia ka tri dhoma gjumi, të gjitha me banja brenda, gjë që është perfekte për një familje të vogël. Shtëpia ka edhe një pishinë të madhe me një ujëvarë brenda e po ashtu edhe spa.