16 pacientë me COVID-19 po trajtohen në Spitalin e Pejës, dy në gjendje të rëndë

Spitali i Pejës njofton se aty po trajtohen 16 pacientë me COVID-19. Bëhet e ditur se 10 nga ta janë në oksigjeno-terapi dhe nga këta dy pacientë janë në gjendje më të rëndë, njofton Klan Kosova Në njoftimin e këtij spitali bëhet e ditur se nga personeli aktualisht janë të infektuar 1 mjek, 4 infermierë dhe 1 punëtor i shërbimeve teknike. Njoftimi i plotë: Gjatë vikendit të fundit në Spitalin e Përgjithshëm në Pejë, 544 pacientë kanë marrë trajtim emergjent shëndetësorë. 46 pacientë janë shtrirë për trajtim të mëtutjeshëm. 382 pacientë kanë kryer analiza, që në total kanë bërë 4,265 analiza. 10 Operacione janë kryer gjatë vikendit, ndërsa kanë lindur 13 foshnje, 8 të gjinisë mashkullore dhe 5 të gjinisë femërore. Aktualisht po trajtohen 16 pacientë me Covid-19. Sa i përket gjendjes së pacientëve, 10 pacientë janë në Oksigjeno terapi dhe nga këta 2 pacientë janë në gjendje më të rëndë. Nga Personeli i Spitalit aktualisht janë të infektuar 1 Mjek, 4 Infermierë dhe 1 punëtor i Shërbimeve Teknike.