As propozimi i ri nuk është njohje e plotë nga Serbia, por është normalizim i plotë

Drafti i planit për ujdinë finale Kosovë-Serbi, që një ditë më parë iu dorëzua kryeministrit Albin Kurti, ka një aneks të ri, i cili përmban një kalendar të qartë e të saktë të veprimeve se kur dhe si do të bëhen gjërat në kuadër të bisedimeve,. Kështu ka thënë për euractiv.com një zyrtar i BE-së, që e ka parë propozimin më të ri. “Pasi u dëgjuan të dyja palët, ne e ridraftuam propozimin, (…) u bënë përmirësime”, ka thënë burimi në fjalë, përcjellë klankosova.tv. “Ka shumë gjëra që e bëjnë atë një hap të madh para, duke ditur situatën aktuale (…) Nuk është njohje e plotë (…) por është një normalizim i plotë i marëdhënieve”. Kur është pyetur për afatet e zbatimit potencial të marrëveshjes, zyrtari i BE-së ka thënë se kjo do të varet "nga vullneti i palëve”, ndërsa ka shtuar se pret rezultate në “goxha më pak kohë se një vit”.