22 ditë afat për Presidentin, Kurti mbërrin në Kuvend për takimin me Abdixhikun

Kryeministri i vendit, Albin Kurti ka mbërritur në Kuvend për t’u takuar me kryetarin e Lidhjes Demokratike të Kosovës, Lumir Abdixhikun.

Ky është takimi i tretë mes tyre për të njëjtën çështje, ku pritet të diskutohet procesi i zgjedhjes së Presidentit, raporton Klankosova.tv.

Njëherësh, në Kuvend ka arritur edhe Abdixhiku i cili ka theksuar se do të flasë pas takimit.

Njëherësh, Gjykata Kushtetuese u ka dhënë kohë ligjvënësve të Kosovës mbi një muaj kohë për ta zgjedhur presidentin e ri të vendit, pasi e rrëzoi një dekret të ish-presidentes, Vjosa Osmani, më 25 mars për shpërndarjen e Kuvendit pas moszgjedhjes e presidentit në një seancë më 5 mars.