22 vjet burgim për Besnik Shkodrën për vrasjen e burrit të hallës (VIDEO)

Pas katër vjetëve në Gjykatën Themelore të Prishtinës, u dha vendimi përfundimtar për vrasjen e Abit Jasharit, i cili u vra më 2019 në lagjen Kolovica të Prishtinës. Gjyqtari, Kushtrim Shyti dha vendimin që Besnik Shkodra, për shkak që vrau burrin e hallës, Abit Jasharin, të qëndrojë 22 vjet në burg. Derisa babai i tij, që dyshohej që e shtyri djalin ta kryejë këtë vrasje të rëndë, u la i lirë. Ani se krejt seanca ishte për ta, as njërin vendim nuk e dëgjuan babë e bir, të cilët nuk erdhën hiç në gjykatë. Por, familjarët e të ndjerit, të cilët nuk deshën të deklarohen para kamerës, thanë se për vendimin e së premtes do të ankohen në Gjykatën e Apelit pasi, sipas tyre, është jo i drejtë. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=EmHH0_3ixj0