27 vjeçarja përdor qumështin e gjirit dhe flokët e foshnjës për të bërë statuja kujtimi

Një nënë e re në Indi ka krijuar figura për fëmijë duke përdorur qumështin e gjirit, flokët e foshnjës së porsalindur, thonjtë dhe kordonin e kërthizës. Tharika, 27 vjeçare, nga Chennai, India Jugore, ka bërë këto kujtime të paharrueshme për nënat e reja, shkruan Metro.co.uk, transmeton Klankosova.tv. Statujat janë një mënyrë për të ruajtur momentet e tyre të para të mëmësisë në formën e një kujtimi sentimental. Tharika  përdor 15 ml qumësht gjiri dhe e kthen atë në ‘plastik’ duke përdorur konservues për rreth dy muaj. Kjo formëson pikat e qumështit për t’i bërë figurat. Ndërsa përdor kallëpe, ajo shton edhe thonjtë e prerë të një fëmije dhe fijet e flokëve për të bërë këto pjesë. Tharika tha: “Unë mbledh qumështin e gjirit nga një nënë, e ruaj atë dhe bëj figura prej tij. Unë shtoj konservues organikë për të mos lejuar që qumështi të prishet, më pas e thaj për ta bërë atë në formë të fortë, e bëjmë që të zgjasë për gjithë jetën”. Tharika gjithashtu dizajnon bizhuteri argjendi, duke përfshirë varëse, vathë, byzylykë dhe korniza fotografish.