31 atletëve mund t'u ndalohet pjesëmarrja në Rio 2016

Deri 31 atletëve mund t'u ndalet pjesëmarrja në Lojërat Olimpike Rio 2016, kanë thënë drejtues të organizimit. Njoftimi vjen pasi Komiteti Olimpik Ndërkombëtar ka ritestuar 454 kampionë të Olimpiadës së Pekinit. KON ka thënë se këta kampionë janë testuar duke përdorur metodat më të fundit shkencore. "Të gjitha këto masa janë marrë për t'u siguruar që mashtruesit të mos fitojnë". "Jemi duke treguar edhe një herë tjetër se ata nuk kanë ku të fshihen. Ne mbajmë kampionë deri në dhjetë vjet, në mënyrë që ata të mos qetësohen kurrë".