Një burrë që ka ngjashmëri të madhe me Leonardo DiCaprio, dhe fitoi famë për këtë gjë, ka zbuluar se shtimi në peshë gjatë izolimit ka shkatërruar karrierën e tij.
Roman Burtsev, 39 vjeçar nga Rusia, ka përfituar famë kur ngjashmëria e tij me aktorin e Hollivudit u bë virale në internet.
Por Burtsev, i cili tani jeton në një apartament me dy dhoma me prindërit dhe macet e tij, ka pranuar se pandemia i ka prishur planet e tij për famë ndërkombëtare të përjetshme, transmeton Klankosova.tv.
Ai tha: “Problemet filluan me futjen e kufizimeve në prill të vitit 2020 dhe tani njerëzit më kanë harruar mua”.
Ndërsa më parë, njerëzit në qytete të mëdha kërkonin të bënin foto me të, ai tha se pandemia i dha fund kësaj. Koha e Burtsev larg nga qendra e vëmendjes gjatë pandemisë e bëri atë të shtonte peshë.
Ai kishte nënshkruar kontrata me reklamuesit, por ata u tërhoqën pasi ai rezultoi i paaftë për të humbur peshë. Por Burtsev është i vendosur për të humbur peshë dhe për të arritur objektivin e tij, kështu që ai do të jetë 'në krye' deri në 'Vitin e Ri 2022'.
Burtsev, i cili është beqar, tha: “Kam provuar shumë metoda për humbje peshe përpara se të gjej të miat dhe tani jam në procesin e humbjes së peshës”.
Ai shtoi se planet e tij për të ardhmen janë të thjeshta dhe mund të përmblidhen si 'familje, fëmijë, shtëpi', transmeton Klankosova.tv.
●●●
VSHKRIMI NGA
V.R.
Editorial nga Klan Kosova — ndjek lifestyle dhe zhvillimet e tjera kryesore të vendit.
