4 korriku në Prishtinë: Hoxha ngre flamurin amerikan në xhami (VIDEO)

Përveç ezanit, në xhaminë Bedri Kamberi në kryeqytet të martën u dëgjua edhe himni amerikan. Ai po e shoqëronte ngritjen e përkohshme të flamurit të këtij shteti si simbolikë për 247 vjetorin e Pavarësisë së Shteteve të Bashkuara të Amerikës. Ky veprim që mëton të bëhet traditë, për imamin e kësaj xhamie është plot kuptim. Për dikë që kësi nderimi bëri gjithnjë, nuk e sheh me vend që asnjë nga institucionet kosovare nuk po e shënojnë këtë ditë. Organizimet nën ombrellën e shtetit, sipas kryetarit të Shoqatës “Miqtë e Amerikës”, tregojnë seriozitet sidomos tash pas situatës në veri. Ambasadori amerikan Jeffrey Hovenier kishte thënë javën e shkuar në Rubikon se pavarësisht dallimeve në qëndrime, kishin ftuar Qeverinë e Kosovës në kremten e përvjetorit të sivjetmë. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS https://www.youtube.com/watch?v=jzTMD5CrBD0