40 vjet bashkë, Ikballe dhe Luan Huduti tregojnë për dashurinë e tyre (VIDEO)

Ikballe dhe Luan Huduti, çifti i njohur, ishin të ftuarit e sotëm në “Weekend” të Klan Kosovës. Ata folën rreth martesës së tyre, të cilët mbushën plot 40 vjet bashkë, transmeton Klankosova.tv. Teksa mëngjesi i Luanit nis herët, për Ikballen nis pak më ndryshe. “Kur ai zgjohet më herët se unë, ai më sjell kafen e mëngjesit”, u shpreh e buzëqeshur Ikballja. Ajo tregoi edhe herën e parë kur e ka parë Luanin. “Kemi qenë në Sarajevë për studime, ka qenë hekurudhë, mundem me thanë që unë e kam prek e para. Veç gishtin ia kam prekur, një shkëndi nisi vetëm prej një gishti të vogël. Nuk ka qenë aspak gabim, edhe pse lëvizjen e kam bërë e para”, u shpreh ajo. Ndërsa Luani tha se edhe nëse do të kishte mundësi të martohej përsëri, sërish do ta zgjidhte Ikballen. Për të dëgjuar më shumë rreth dashurisë së tyre, ndiqni videon e mëposhtme: https://www.youtube.com/watch?v=Ovc11oE3hK8