47-vjeçarja s’do të jetë në gjendje të hajë më, pasi karantina i shkaktoi dëme të pakthyeshme

Një grua nga Anglia është në gjendje shumë të keqe, sepse nuk po mund ta pranojë faktin se nuk do të mund të hajë më, pasi bllokimi si pasojë e COVID-19 i ka shkaktuar dëme të pakthyeshme. Tiffany Ëalker është një nga dhjetëra mijëra personat që kanë mbetur të paaftë, pasi gjatë bllokimit nuk kanë mund t’i ndjekin terapitë e rregullta dhe si rezultat për shkak të përkeqësimit të gjendjes, asaj së shpejti do t’i duhet të ushqehet vetëm me infuzion. 47-vjeçarja ka një sëmundje e cila i bën muskujt e saj të ngurtë që do të thotë se është e vështirë për të që të gëlltis diçka, shkruan Mirror, transmeton Klankosova.tv. Por, kur Anglia u mbyll, ajo humbi mundësinë që të vazhdonte ushtrimet dhe kështu gjendja e saj u përkeqësua. Tiffany thotë se situata e krijuaj nga pandemia, e vështirësoj jashtë mase gjendjen e saj shëndetësore. "Për dikë mund të ketë pasur edhe anë pozitive, por mua më ka çuar drejt errësirës” Tiffany e dinte se problemi me të cilin ajo përballej mund t’ia vështirësonte lëvizjen, por nuk i ndalte asnjëherë ushtrimet dhe përpjekjet që të mos i lejonte muskujt të bëheshin të palëvizshëm. Gjashtë javët e para të fillimit të pandemisë, Tiffany ishte e sëmurë rëndë dhe gjendja e saj u përkëqësua deri në atë pikë sa më nuk ishte në gjendje as të hante.