50 mësimdhënës të ''Mihal Grameno'' në Fushë Kosovë testohen për COVID-19, dy nga ta rezultojnë pozitivë

Dy mësimdhënës të shkollës ''Mihal Grameno'' në Fushë Kosovë, kanë rezultuar pozitivë në mesin e 50 arsimtarëve të testuar mbi dyshimet për koronavirus. Këtë për klankosova.tv, e ka konfirmuar Drejtori i Arsimit në këtë komunë, Islam Shabani, ndërsa deklaroi se të njëjtit nuk kanë pasur kontakt me nxënësit. ''Distanca ka qenë në nivel''. ''Mësuesja tek dërrasa, nxënësit në bankat e tyre. Të gjithë kanë qenë të pajisur me maska. Janë në pyetje vetëm tre ditë por, masat janë respektuar'', është shprehur ai. Ai është shfaqur i befasuar me rezultatet meqë të gjithë mësimdhënësit sipas tij kanë qëndruar në të njëjtën hapësirë, pra në sallën e arsimtarëve. Testimet e mësimdhënësve u bënë të martën, ndërsa të dytë që rezultuan pozitivë me COVID-19, Drejtori i Arsimit, Islam Shabani thotë se janë zëvendësuar menjëherë.