David Beckham lejoi një mjeke ukrainase të mbante llogarinë e tij në Instagram, e cila ndiqet nga 71.5 milionë përdorues, për të nënvizuar vështirësitë me të cilat përballen profesionistët mjekësor gjatë punës gjatë pushtimit rus.
Ambasadori i UNICEF-it ia dorëzoi Instagramin e tij Iryna-s, e cila është drejtuese e një qendre mjekësore në Kharkiv, për t'u treguar ndjekësve të tij realitetin e zymtë me të cilin po përballen ukrainasit në baza ditore dhe për të inkurajuar donacionet.
Videot dhe imazhet tronditëse treguan foshnjat e porsalindura dhe pacientët që trajtoheshin në një bodrum, ndërsa anesteziologia e fëmijëve, Iryna dhe profesionistë të tjerë mjekësorë po ndihmonin gratë shtatzëna të lindnin në mënyrë të sigurt.
Duke folur në një video në Instagram, Beckham tha: “Përshëndetje të gjithëve, kështu që unë po ia dorëzoj rrjetet e mia sociale Iryna-s, drejtueses së Qendrës Rajonale Perinatale në Kharkiv, Ukrainë, ku ajo po ndihmon nënat shtatzëna të lindin të sigurt”.
Iryna tha se tani punon '24/7' dhe ditën e parë që Vladimir Putin pushtoi Ukrainën muajin e kaluar, ajo kaloi tre orë duke evakuuar nënat dhe gratë shtatzëna në bodrum.
Për fat të keq, të gjitha foshnjat që janë në kujdes intensiv duhet të qëndrojnë në pjesën kryesore të qendrës sepse mbështeten në pajisje që nuk mund të lëvizin, transmeton Klankosova.tv.
●●●
VSHKRIMI NGA
V.R.
Editorial nga Klan Kosova — ndjek prive dhe zhvillimet e tjera kryesore të vendit.
