Rrjeti i Bizneseve Shqiptare në Vjenë të Austrisë mbajti panairin pas dy viteve pauzë si pasojë e pandemisë.
Këtu morën pjesë 60 kompani shqiptare, ku 15 prej tyre ishin nga Kosova, njofton KlanKosova.tv.
Kryetari i Rrjetit të Bizneseve Shqiptare në Austri, Yll Blakaj, tha se ketë shtrirje e kanë bërë në mënyrë që të rinjtë të qëndrojnë në vendin e tyre.
E pranishme ishte edhe ministrja e Industrisë dhe Tregtisë, Rozeta Hajdari, që sipas saj në ketë formë Kosova mund të bëhet pjesë e hallkës së bizneseve botërore.
Lidhjen e diasporës me prodhues nga Kosova, Shqipëria e Maqedonia e Veriut, si mundësi të mirë e pa edhe ambasadori i Shqipërisë në Austri, Roland Bimo.
Në ketë panair u përmenden edhe statistikat doganore për periudhën janar-gusht, ku eksporti ka shënuar rreth 130 milionë euro, por pa përfshirë Devolli Corporation, pasi që sipas tyre vetëm dyshekët e Devollit përbëjnë shifrën prej 200 milionë euro.
Bizneset aty shpalosën punën e tyre si nga gastronomia, ndërtimtaria, hoteleria dhe nga fushat e tjera.
https://www.youtube.com/watch?v=WAr_z2D5AO0&t=1s
●●●
LSHKRIMI NGA
LiZe
Editorial nga Klan Kosova — ndjek video lajme dhe zhvillimet e tjera kryesore të vendit.
