90 mijë e 812 të shëruar nga COVID-19 në Kosovë

103 mijë e 815 është numri i përgjithshëm i rasteve pozitive me COVID-19 të shënuar në Kosovë. Nga data 13 mars të vitit të kaluar kur edhe janë shënuar edhe rastet e para me COVID-19, si të dyshuar për SARS Cov-2, janë testuar 517 mijë e 734 persona. Deri më tani të shëruar nga ky virus i kemi gjithsejt 90 mijë e 812 persona. Ndërkaq me fatalitet kanë përfunduar 2 mijë e 125 raste. E raste aktive i kemi 10 mijë e 878. "Numri total i rasteve pozitive është 103.815 raste nga 517.734 persona të dyshimtë në virusin SARS-CoV-2 dhe 2.125 raste të vdekjes. Numri i përgjithshëm i të shëruarve deri më sot është gjithsej 90.812 raste, kurse numri i rasteve aktive është 10.878 ".