Menjëherë pas lindjes të birit të saj, modelja Kylie Jenner bashkë me partnerin e vet, rep artistin Travis Scott kishin deklaruar se po planifikonin të ndryshojnë emrin e të voglit të tyre.
Në episodin e fundit të “The Kardashians”, Kylie ka theksuar se djali i saj vazhdon të ketë akoma emrin e njëjtë me të cilin u pagëzua që në lindje – Wolf, shkruan "PageSix", transmeton Klankosova.tv.
“Emri i foshnjës sime është ende Wolf. Do t’ju njoftoj kur t’ia ndryshoj emrin”.
Por, Kylie ka lënë të kuptohet se një veprim i tillë mund të ndodh në kohët në vijim.
“Ndoshta në sezonin e tretë”, ka shtuar ajo.
Dyshja Jenner dhe Scott kanë edhe një vajzë katër vjeçe që quhet Stormi. /Klankosova.tv
●●●
LNSHKRIMI NGA
Labinot Nimani
Editorial nga Klan Kosova — ndjek prive dhe zhvillimet e tjera kryesore të vendit.
