A ka nepotizëm në Qeverinë Kurti 2? (VIDEO)

Partia Social Demokrate ka kritikuar punësimet familjare që janë bërë në Qeverinë Kurti 2. Sipas tyre, kjo mendësi e qeverisjes nuk dallon nga të kaluarat, teksa për ta është e papranueshme se si bëhen arsyetime arrogante për nepotizmin në institucione. Frashër Krasniqi ka thënë për Klan Kosovën se këtë po e bëjnë pasi ndihen komod dhe besojnë se mund të bëjnë çfarë të duan. Deri tash, Qeveria ka marrë goxha kritika për punësime familjare, së fundmi zëvendëskryeministri, Besnik Bislimi, u akuzua se ka ndikuar në punësimin e nipit të tij, Gëzim Tosuni, në Agjencinë e Kosovës për Akreditim. Më pas, kjo u arsyetua se këta të dy janë parë ndoshta vetëm një herë në 50 vjetët e fundit. Qeveria u akuzua se ka punësuar familjarë të deputetëve por edhe të militantëve partiakë. https://www.youtube.com/watch?v=LwiiDi5mIMQ