A po rikthehet "Kafeneja Jonë", Kokaqja dhe tezja Gane e zbulojnë të vërtetën (VIDEO)

“Kokaqja” dhe “Tezja Gane” në “Weekend” në Klan Kosova kanë rikthyer nostalgjinë e serialit “Kafeneja Jonë”. Ata kanë theksuar se nuk ka një rikthim të plotë të serialit, por janë pjesë e një reklame të re. Irena Aliu, që luan rolin e “Tezjes Gane”, ka shpjeguar se ky është një "kthim i vogël" për një reklamë të veçantë. "Është e pamundur me bë një personazh komplet të ri që s’i përngjan vetës, ia kam dhanë sharmin”, tha Irena. Fatos Kryeziu, i njohur si “Kokaqja”, e komentoi me humor faktin që ai, Irena dhe Teuta Krasniqi nuk janë plakur, duke shtuar: “Nuk jemi suravë.” Ai gjithashtu ka shtuar se, përtej reklamës, ata kanë biseduar me producentin e serialit dhe aktorët për mundësinë e një rikthimi të mundshëm. Kryeziu tha se, sipas të gjitha gjasave, producenti Shkumbin Istrefi është duke punuar në një film të bazuar në serialin “Kafeneja Jonë”. /Klankosova.tv Ndiqeni videon nga emisioni për më shumë: https://www.youtube.com/watch?v=hwCSZWmiI0k