Abdixhiku: Lufta me aleatë s’e ndihmon Kosovën (VIDEO)

Tensionet e fundit në veri, i nxorën në konferencë në qendër. Lidhja Demokratike e Kosovës, po vlerëson se sulmeve nga bandat në veri iu bashkua edhe shefi i qeverisë në Prishtinë, por ky kundrejt miqve ndërkombëtarë, raporton Klan Kosova. Kjo parti akuzon qeverinë se po e cenon interesin e Kosovës duke ua kthyer shpinën Amerikës e Bashkimit Evropian. Sipas kryetarit të LDK-së, Lumir Abdixhiku, kryeministri Albin Kurti ka zgjedhur të luftojë kundër aleatëve tanë perëndimorë. “Një luftë e tillë nuk e ndihmon Kosovën, sepse e rrezikon Kosovën. Një luftë e tillë nuk e fuqizon Republikën, sepse e pakëson atë. Një luftë e tillë nuk na bën më Sovran, sepse na e cungon sovranitetin. Sepse nuk i shtrin institucionet në veri, por e largon veriun nga institucionet e nga Kosova", ka thënë Abdixhiku. LDK-ja sipas kryetarit të saj, ka tri kërkesa për të dalë nga kjo situatë. E para sipas Abdixhikut është thirrja në interpelancë e kryeministrit Albin Kurti. Lideri i LDK-së shtoi se për ta ndalur këtë degradim nga Kurti, nga e mërkura partia e tij do të përdorë krejt rrugët demokratike, por nuk përjashtoi as ato jo institucionale. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=ffxs4X3NxaU