Komandanti i Njësive Speciale të Policisë së Kosovës, Amir Gërguri, është suspenduar nga puna bashkë me rreshterin Avdullah Zeqiri pasi kanë thyer rregullat e vendosura për kufizim të lëvizjes në kohën e pandemisë.
Lajmin për suspendimin e tyre e ka konfirmuar drejtori i Policisë, Rashit Qalaj për klankosova.tv.
“Konfirmoj suspendimin e Major Amir Gërguri dhe një rreshteri”.
Po ashtu, lajmin e ka konfirmuar edhe Zyra për Informim e PK-së që tha se dy zyrtarët policorë janë suspenduar për 72 orë dhe ndaj tyre është bërë inicimi i procedurës.
Në këtë aheng të organizuar në natyrë ishte edhe vëllai i presidentit Hashim Thaçi, si dhe u.d drejtori i Burgut të Dyzit, Burim Buleshkaj, i cili po ashtu është suspenduar nga puna.
Fotografia e tyre nga ahnegu është shpërndarë në rrjetet sociale.
●●●
ABSHKRIMI NGA
A. BA
Editorial nga Klan Kosova — ndjek lajme dhe zhvillimet e tjera kryesore të vendit.
