Ahmeti në "Jehona Politike": Shqiptarët në Maqedoni të Veriut nuk janë minoritet (VIDEO)

Kryetari i Bashkimit Demokratik për Integrim, Ali Ahmeti ka thënë se kanë punuar për bashkëjetesë dhe për shtetin e përbashkët. Ai në një intervistë ekskluzive në emisionin “Jehona Politike” tha se shqiptarët nuk janë minoritetet në Maqedoni të Veriut. “Ne kemi punuar që bashkë proceset t’i drejtojmë, shqiptarë, maqedonas sepse vetëm nuk mundemi asnjëra palë, dhe shqiptarët nuk janë minoritetet në Maqedoni. Shqiptarët në Maqedoni edhe territorialisht, numerikisht janë më shumë se Mali i Zi që janë shtet, shqiptarët nuk janë minoritete, nuk krahasohet me Luginën e Preshevës dhe as nuk krahasohet Malësinë e Madhe, domethënë janë 6 mijë e 400 kilometër katrorë që qeveris me pushtet lokal në Republikën e Maqedonisë, pa përfshirë pjesët tjera ku shqiptarët nuk janë mbi 50 për qind siç është Ohri, Prespa, Manastiri, Kumanova”, shtoi Ahmeti, njofton Klankosova.tv. I pyetur se si do të mund të gjendej formula që do ta garantonte implementimin e plotë të Marrëveshjes së Ohrit, ai tha se VMRO-ja duhet të reflektojë. “Duhet të mësojë mirë nga e kaluara, ata të cilët nuk mësojnë nga e kaluara, nuk dinë të ndërtojnë të ardhmen, këta duhet të kthehen të shohin nga e kaluara, t’i shohin gabimet që i kanë bërë se këta janë shndërruar pas vitit 1945 në vazal të Beogradit dhe këto situata duhet të ndryshojnë dhe të mos vazhdojnë me avaze të moçme sepse nuk i bëjnë mirë shëndetit të Republikës së Maqedonisë së Veriut”, deklaroi Ahmeti. https://www.youtube.com/watch?v=Akxk4SoUvps