Policia në Oregon të ShBA-së tha se një objekt që dukej të ishte një granatë dore, rezultoi të ishte shpërndarës për qeset me jashtëqitjen e qenve.
Departamenti i Policisë McMinnville tha në një postim në Facebook se "sendi shqetësues" u pa pranë pistës së vrapimit në shkollën e mesme Patton, larg ndërtesave të shkollës.
Nxënësit u mbajtën brenda shkollës ndërsa policia u konsultua me personelin e Skuadrës së Policisë së Shtetit të Oregonit.
Departamenti përdori një dron për të bërë fotografi nga afër të asaj që duket si granatë e dorës, duke mbajtur një distancë të sigurt nga eksplozivi i dyshuar.
“Pas shqyrtimit të fotografive, u përcaktua se ishte një shpërndarës qeseje mbeturinash qeni që është prodhuar për t'i ngjasuar një granate dore”, thuhet në postim.
Gjëja u hoq nga prona e shkollës dhe aktivitetet e rregullta shkollore rifilluan, tha departamenti.
●●●
EVSHKRIMI NGA
E V
Editorial nga Klan Kosova — ndjek të tjera dhe zhvillimet e tjera kryesore të vendit.
