Një aksident tragjik ka ndodhur mëngjesin e sotëm në Kukës, ku një 51-vjeçar ka humbur jetën pasi u përplas nga një automjet.
Sipas informacioneve zyrtare, viktima, i identifikuar si Sadik Murtafi, po udhëtonte me një triçikël kur u godit nga një makinë. Pas aksidentit, ai u dërgua me urgjencë në spital, por nuk mundi t’u mbijetonte plagëve të marra, shkruan Euronews.al, transmeton Klankosova.tv.
Policia bën me dije se drejtuesi i automjetit, një 20-vjeçar me inicialet A. B., dyshohet se ka humbur kontrollin mbi makinën, duke shkaktuar përplasjen fatale.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
