Aksident mes dy automjeteve në Shkodër, lëndohen dy persona, njëri prej tyre i mitur

Një aksident mes dy automjeteve la të lënduar dy persona në rrugën Shkodër-Lezhë. Njëri nga të lënduarit është i mitur, dhe që të dy po trajtohen në Spitalin Rajonal Shkodër, transmeton Klankosova.tv. “Rreth orës 20:30, në aksin rrugor “Shkodër-Lezhë”, shtetasja D. S., duke drejtuar automjetin e saj, dyshohet se ka humbur kontrollin mbi drejtimin e automjetit dhe për pasojë automjeti është përplasur me një motomjet me drejtues shtetasin A. A., 18 vjeç dhe pasagjer një të mitur 17 vjeçar. Shtetasi A. A., dhe i mituri 17 vjeçar, ndodhen në Spitalin Rajonal Shkodër, nën kujdesin e mjekëve. Me drejtuesen e automjetit po kryhen veprimet e mëtejshme procedurale. Grupi hetimor po punon për sqarimin e rrethanave të aksidentit, thuhet në njoftimin e policisë”, thuhet në njoftimin e Policisë së Shqipërisë.