Aksident mes kamionit dhe veturës në Klinë, pesë të lënduar (VIDEO)

Pesë persona kanë mbetur të lënduar si pasojë e një aksidenti mes një veture dhe kamioni në fshatin Poterq të Klinës. Këtë e ka konfirmuar për Klankosova.tv, zëdhënësi i policisë për rajonin e Pejës, Driton Rugova. Ai bëri të ditur se të lënduarit janë dërguar për trajtim mjekësor në Spitalin Rajonal të Pejës. "Sot rreth orës 14:55, Policia është njoftuar për një aksident trafiku i cili ka ndodhur në fshatin Poterq-Klinë, në këtë aksident ishin të involvuara 1 kamion dhe 1 veturë, si pasojë e aksidentit 5 persona kanë pësuar lendime trupore, të njëjtit janë dërguar ne Spitalin rajonal në Pejë për tretman mjekësor", tha Rugova.