Aksident mes tre veturave në Prishtinë, katër të lënduar

Katër persona janë lënduar pas një aksidenti që ka ndodur sot rreth orës 12:00 në rrugën "Mon Balaj" në Prishtinë. Lidhur me aksidentin detaje për Klankosova.tv ka dhënë Flora Ahmeti, zëdhënëse e policisë për rajonin e Prishtinës. Ahmeti tha se në aksidentin ishin të përfshira tre vetura. Ajo theksoi se të lënduarve iu është ofruar tretman mjekësor. "Me rastin po merret njësiti i trafikut të kryeqytetit", deklaroi ajo për Klankosova.tv.