Aksident në Korçë, makina përplas për vdekje këmbësoren

Një grua ka qenë duke ecur me biçikletë në drejtim të Korçës kur është përplasur nga mbrapa nga një mjet, duke e lënë të dëmtuar rëndë, por ka vdekur sapo ka mbërritur në spitalin rajonal të Korçës. Sipas burimeve të siguruara gruaja mendohet se po vinte nga arat ku ka punuar gjatë ditës dhe në biçikletë kishte të ngarkuara prodhimet bujqësore. Segmenti i rrugës Voskopojë – Korçë është i pa ndriçuar çka ka bërë të vështirë për drejtuesin e mjetit fushëpamjen, aq më tepër kur gruaja me biçikletë nuk kishte shenjë ndriçues nga mbrapa, raporton “Euronews Albania”. Policia në vendin e ngjarjes po heton për shkaqet e këtij aksidenti me pasojë vdekjen. Duhet thënë se ky aks rrugor edhe për shkak të lëvizjeve të fermerëve që kanë tokat e tyre anës rrugës është bërë burim aksidentesh.