Aksident tragjik në Jemen: 16 të vdekur, mes tyre edhe fëmijë

Të paktën 16 persona, përfshirë gra dhe fëmijë, kanë humbur jetën si pasojë e një përplasjeje tragjike mes një autobusi dhe një kamioni në jug të Jemenit, njoftuan autoritetet lokale. Aksidenti ndodhi në zonën Lahmar të distriktit Al-Mahfad, në një rrugë kryesore që lidh provincat Abyan dhe Shabwa. Sipas autoriteteve, ndeshja rezultoi fatale për të gjithë pasagjerët e autobusit, raporton AlJazeera, transmeton Klankosova.tv Rasti ndodhi si pasojë e një parakalimi të gabuar në një kthesë të rrezikshme të rrugës. Ky aksident konsiderohet si i dyti më vdekjeprurës në vitet e fundit në Jemen dhe më i rëndi i regjistruar deri më tani gjatë vitit 2026. Një vit më parë, 17 persona humbën jetën në një tjetër aksident tragjik në një rrugë malore të rrezikshme në provincën Abyan./Klankosova.tv