Aksident tragjik në Peru, vdesin 37 persona (VIDEO)

Të paktën 37 persona vdiqën dhe dhjetëra të tjerë u plagosën pasi një autobus u aksidentua në një përrua në rajonin malor të Arequipas në Perunë jugore, thanë autoritetet lokale të mërkurën. 36 persona vdiqën në vendngjarje dhe një person tjetër humbi jetën në spital, tha Walther Oporto, shefi rajonal i shëndetësisë në Arequipa, duke cituar zjarrfikësit në vendin e aksidentit, raporton Reuters, transmeton Klankosova.tv. Numri i të vdekurve ishte ndër më të lartët në një seri aksidentesh me autobusë në vitet e fundit në Amerikën Latine dhe një nga më të këqijtë e regjistruar në Peru. Për më shumë detaje, ndiqni kronikën e përgatitur nga Klan Kosova: https://www.youtube.com/watch?v=k2Hk9BcB04o