Një incident tragjik ka ndodhur në garën e rallyt, me vetura të shpejta ku pilotët Stefano Campana e Robin Munz, kanë vdekur pasi janë karbonizuar në aksident komunikacioni, gjatë garës së mbajtur në Carlazzo, në provincën e Comos.
Viktimat, të cilët i përkisnin të njëjtit ekuipazh, kanë dalë jashtë rrugës me veturën e tyre, e cila ishte në lëvizje duke garuar. Nga aty, vetura e tyre është përfshirë në flakë dhe ata nuk kanë arritur të dilnin nga ajo, shkruan Zëri.
Nuk ka shërbyer asgjë intervenimi i zjarrfikësve, të cilët vetëm kanë mundur t’i nxjerrin të dy trupat e pajetë nga vetura. Gara, ku u verifikua incidenti që solli vdekjen e dy zviceranëve, ishte “Barelli Ronde”, e organizuar nga VS Corse.
Ditët e fundit kanë qenë të mbushura me lajme tragjike në sport. Fillimisht vdiq një futbollist, më pas një ragbist dhe së fundmi një tifoz bëri vetëvrasje në stadium në SHBA.
●●●
LSHKRIMI NGA
LiZe
Editorial nga Klan Kosova — ndjek sport dhe zhvillimet e tjera kryesore të vendit.
