Aksidenti në Emshir: Shoferi humbi drejtimin e automjetit, dëmtoi 8 të tjera – një person i lënduar

Një person ka mbetur i lënduar si pasojë e një aksidenti të rëndë trafiku që ka ndodhur pak para mesnatës në rrugën “Jusuf Gërvalla” në Prishtinë. Rastin e ka konfirmuar zëdhënësja e Policisë për rajonin e Prishtinës, Flora Ahmeti, për Klankosova.tv. Siç tha ajo, një automjet ka humbur kontrollin gjatë lëvizjes, duke u përplasur me barrierat mbrojtëse të rrugës. Si pasojë e përplasjes, janë dëmtuar edhe tetë automjete të tjera që ishin të parkuara pranë një qendre tregtare në lagjen Kalabria. “Me rastin po merret njësiti i trafikut rajonal”, ka deklaruar tutje Ahmeti./Klankosova.tv https://klankosova.tv/aksident-i-rende-ne-prishtine-nuk-dihet-per-te-lenduar/