Katër persona përfunduan sot në pranga gjatë një aksioni të udhëhequr nga Prokuroria Themelore në Mitrovicë.
Dy lokacione u bastisën nga policia, në fshatin Ropicë dhe tjetra në një autosallon në Vushtrri.
Klankosova.tv merr vesh se cak ishin pronat e familjes Gërbeshi, një familje në zë e goxha problematike nga kjo zonë.
"Po, krejt të ndaluarit janë nga kjo familje. Janë bastisur pronat e kësaj familje në fshatin Ropicë dhe një autosallon në Vushtrri. Një nga të arrestuarit ka qenë në arrati", deklaroi ky burim për Klankosova.tv.
Derisa nuk bëhet e ditur ende se çka është konfiskuar në këtë operacion policor.
Në një komunikatë të përbashkët nga Policia dhe Prokuroria, bëhet e ditur se personat e arrestuar dyshohen për veprat penale: Mbajtja në pronësi, kontroll ose posedim të paautorizuar të armëve, Shkaktim i rrezikut të përgjithshëm, Detyrim, Kanosje, Lëndim i rëndë trupor.
https://klankosova.tv/operacion-policor-ne-tri-lokacione-ne-vushtrri-kater-te-arrestuar/
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.