Aktorët Ryan Reynolds dhe Blake Lively do të dhurojnë një milion dollarë për refugjatët ukrainas

Aktori hollivudian Ryan Reynolds zbuloi se ai dhe gruaja e tij Blake Lively do të japin një milion dollarë donacione për refugjatët ukrainas që ikin nga vendi i shkatërruar nga lufta pas pushtimit rus. Ryan Reynolds dhe Blake Lively kanë treguar edhe një herë bujarinë e tyre të pamasë pas shpërthimit të luftës në Ukrainë. Të shtunën, aktori 45-vjeçar zbuloi se ai dhe gruaja e tij Blake, 34 vjeç, do të japin donacionet deri në 1 milion dollarë për Agjencinë e Kombeve të Bashkuara për Refugjatët në mbështetje të refugjatëve ukrainas. “Në 48 orë, ukrainas të panumërt u detyruan të largoheshin nga shtëpitë e tyre në vendet fqinje”, shkroi Ryan në një postim në Twitter nga organizata jofitimprurëse.