Aktorët ukrainas kthehen në skenë në një "teatër" nëntokësor në jug të Ukrainës

Aktorët janë rikthyer në skenë në një qytet në jug të Ukrainës që është bombarduar rëndë. Një shfaqje u zhvillua nga Teatri i Dramës së Artit Mykolaiv në një strehë nëntokësore si një teatër i improvizuar. Vetëm disa dhjetëra njerëz ishin në gjendje të merrnin pjesë në këtë shfaqje. Vendi i tyre i zakonshëm ku ata luanin, një sallë me 450 vende tashmë është e mbyllur, raporton Sky News, transmeton Klankosova.tv. Aktorja Violeta Mamykina u shpreh se për shkak të situatës shumë shfaqje janë anuluar. "Sigurisht, shumë shfaqje janë anuluar, sepse disa aktorë meshkuj u larguan për të luftuar dhe disa shkuan jashtë vendit si refugjatë të përkohshëm", u shpreh ajo. Ndërkaq, menaxheri i teatrit Artem Svystun e përshkroi shfaqjen si "art-terapi", për t'u dhënë njerëzve një pushim të shkurtër nga lufta.