Alarm në Han të Elezit, personi lëvizte me armë në rrugë – policia thotë se ishte lodër

Qytetarët e Hanit të Elezit janë shqetësuar mëngjesin e sotëm, pasi një person është parë duke lëvizur me një armë në dorë. Pamjet e këtij rasti kanë arritur në redaksinë e Klankosova.tv, ku i njëjti shihet duke ecur përgjatë një rruge me armën. Sipas qytetarëve, situata ka shkaktuar frikë dhe pasiguri, pasi personi në fjalë paraqiste rrezik potencial. Klankosova.tv ka kontaktuar Policinë e Kosovës, konkretisht zëdhënësin për rajonin e Ferizajt, Kanun Veseli, i cili ka bërë të ditur se arma ka rezultuar të jetë lodër. Ai gjithashtu njoftoi se rasti është duke u trajtuar nga policia.