Albijon Morina, i riu nga Kosova merr pjesë në garën K-1 World MAX në Japoni

Më 7 shtator 2025, Tokio do të jetë skena ku talenti i kickbox-it, Albijon Morina, do të përballet me elitën botërore në K-1 World MAX Grand Prix, një nga eventet më prestigjioze në historinë e sporteve luftarake. 19-vjeçari do të jetë sportisti më i ri në gjithë turneun dhe i pari me prejardhje nga Kosova që ka garuar ndonjëherë në këtë skenë madhështore në Japoni. Siç ka bërë të ditur menaxheri i tij Dardan Morina për Klankosova.tv, ai do përfaqësojë dy shtete: Kosovën dhe Gjermaninë.