Aligatori viziton kishën, përshëndetet nga pastori (VIDEO)

Një aligator bëri vizitë në një kishë në Florida ku u përshëndet nga famullitarët, ndërsa pastori i ofroi një kartëvizitë. Fotografitë dhe videot e kapura në Kishën e Fitores në LeHigh Acres e shfaqin vizitorin e vogël që endet në mjediset e shtëpisë së adhurimit, duke iu afruar derës. Daniel Gregory, predikuesi kryesor i kishës, bëri video ndërsa iu afrua zvarranikut dhe i ofroi një kartëvizitë. "Ne kemi shërbime të dielën në ora 9 dhe 11 të mëngjesit", thotë Gregory në video. "Dëshironi të na shini?". Ai shtoi se e pa vizitën e pazakontë si një mundësi për t'u argëtuar. "Aligatori erdhi në kishën tonë. Unë nuk e di se cila është gjendja e tij shpirtërore. Kam nevojë ta ftoj atë në kishë", tha Gregory për WBBH-TV. Megjithatë, Gregory shtoi se kafsha u largua në një kullon stuhie kur u përpoq ta pagëzonte atë. Nga Komisioni i Ruajtjes së Peshkut dhe Kafshëve të Egra të Floridas thanë se të tjerët nuk duhet të përpiqen të afrohen aq shumë me aligatorët sa bën Gregory në video. "Ne sigurisht që inkurajojmë aspektin e shikimit të tij, por kurrë nuk duam që ju t'i afroheni një kafshe të egër ashtu. Mund të jetë shumë e rrezikshme," tha oficeri i FWC Adam Brown. https://www.youtube.com/watch?v=nQ_FDOJlJBA