Alpinistët e Klubit Alpin Prishtina, gati për ta pushtuar Everestin

Klubi Alpin Prishtina, është gati që të niset për Ekspeditën Everest, e cila do të realizohet në vitin 2017. Pas muaj të tërë takimesh, përgatitjesh dhe stërvitjesh, ata tashmë janë përgatitur që ta ndërmarrin një rrugë shumë sfiduese. Anëtarët e Ekspeditës që do ta marrin rrugëtimin për në Mount Everest, janë Nazmi Hasanramaj, Qëndrim Sopi, Arineta Mula, Liburn Aliu dhe Haki Hasanramaj. Arineta, tanimë zyrtarisht është pjesë e Ekspeditës, gjë që i ka dhënë dimension të ri iniciativës së këtij grupi, dhe do të jetë femra e parë shqiptare në këtë ngjitje.