Amabsadorëve kosovarë u kërkohet më shumë punë në diplomaci ekonomike (VIDEO)

Të mërkurën ishte dita e tretë e konferencës së organizuar nga Ministria e Punëve të Jashtme me ambasadorët kosovarë. Atyre, në sallën me dyer të mbyllura, iu kërkua më shumë punë në një lloj diplomacie me rëndësi për shtetin. MPJD-ja synon të rrisë angazhimin e tyre në aspektin ekonomik, për çka ua shpalosi një udhërrëfyes, derisa për promovimin e prodhimeve të shtetit që përfaqësojnë, atyre do t’u jepen informata nga terreni. Megjithëkëtë, kjo strategji nuk u pëlqeu ekonomistëve, të cilët propozuan një ide tjetër për diplomaci ekonomike, që e përdorin disa shtete. Bile, sipas Berat Rukiqit nga Oda Ekonomike e Kosovës, deri tash është bërë shumë pak për diplomacinë kosovare, meqë, sipas tij, ambasadorët kanë qenë të angazhuar më shumë në aspektin politik. https://www.youtube.com/watch?v=LAmvjqt6k6U