Amazon do të shesë online pisha dymetërshe për Vitin e Ri

Platforma më e madhe e blerjeve online, Amazon, ka shkuar edhe më larg me produktet e saj online. Për festat e fundvitit, ajo do të ketë në dispozicion edhe bredha të Vitit të Ri me lartësi mbi dy metra. Sipas The Associated Press, pishat do të mund të blihen që nga nëntori i këtij viti. Konsumatorët do të kenë mundësi të zgjedhin mes bredhave të Douglas, Fraser apo të ishullit Norfolk, përcjell Klan Kosova. Çmimi për një bredh dy metërsh do të jetë rreth 115 dollarë, ndërsa porosia do të arrijë në destinacionin e caktuar brenda dhjetë ditësh.