Ambasada Britanike mirëpret masat e reja të MSH-së

Ambasada e Britanisë së Madhe në Kosovë i ka mirëpritur masat e reja të Ministrisë së Shëndetësisë për parandalimin e përhapjes së Covid-19. Kjo ambasadë thekson se i mbështetë fuqishëm përpjekjet e vazhdueshme të autoriteteve për të mbrojtur dhe informuar të gjitha komunitetet në Kosovë, njofton Klan Kosova. “Ne e mirëpresim njoftimin e Ministrisë së Shëndetësisë së Kosovës për një lehtësim të masave për parandalimin e Covid-19. Ne mbështesim fuqimisht përpjekjet e vazhdueshme të autoriteteve për të mbrojtur dhe informuar të gjitha komunitetet në Kosovë”. “Shtetasit britanikë ende në Kosovë duhet të vazhdojnë të ndjekin këshillat e autoriteteve kosovare dhe të qëndrojnë të informuar me këshillat tona të udhëtimit”. Kujtojmë se dje (30 prill, 2020) ministri në detyrë i Shëndetësisë, Arben Vitia, ka njoftuar se nga data 04 maj, qytetarët do të mund të lëvizin nga 3 orë në dy orare. Klikoni në linkun e mëposhtëm për t’u informuar më shumë rreth kësaj ngjarje. https://klankosova.tv/ministri-ne-detyre-i-shendetesise-arben-vitia-ka-mbajtur-sot-nje-konference-per-medie-rreth-masave-te-reja-per-menaxhimin-e-perhapjes-se-koronavirusit-ai-ka-bere-te-ditur-se-nga-e-hena-4-maj-2020/

klankosova.tv