Amerika do që bota ta dënojë gjenocidin rus në Ukrainë (VIDEO)

Civilët i torturuan, zhdukën, vranë e arrestuan me forcë  dhe në mënyrë çnjerëzore. Me kësi trajtimi të rusëve u përballen ukrainasit në zonat e pushtuara të rajoneve Khereson dhe Zaporizhizha. Këto si krime lufte po i dokumenton organizata "Human Rights Watch" e cila të premten kërkoi nga autoritetet ruse të ndalojë abuzimet e tilla. Kjo pasi krijoi një dokument ku përshkruan në detaje 42 raste në të cilat forcat pushtuese ose i zhdukën me forcë civilët ose i mbajtën ata në mënyrë arbitrare. Human Rights Watch me fakte tregoi gjithashtu torturimin e tre anëtarëve të Forcave të Mbrojtjes Territoriale, të cilët ishin robër. Dy prej të cilëve vdiqën në duart e ruseve . Për këto dhe krime të tjera të rënda si ato në Bucha, amerikanët po përgatisin një projekt-rezolute që do të njihte veprimet e Rusisë në Ukrainë si gjenocid. Këtë  kërkesë që e  mbështeten  senatorët dy partiak e bëri zonja e parë ukrainase, Olena Zelenska gjatë vizitës së saj në Uashington. Në këtë paraqitje presidenti Zelenskyy  i quajti propagandë ruse edhe raportimet e medieve nga Moska të cilat akuzuan  te parin ukrainas  se ka braktisur vendin. KUJDES! PAMJE TË RËNDA https://www.youtube.com/watch?v=BBW9-BrQ3fk