Amerika me sulm të ri kundër një anijeje të dyshuar për drogë pranë Venezuelës

Shtetet e Bashkuara vranë katër persona në një sulm kundër një anijeje që dyshohet se mbante drogë të paligjshme, tha të premten Sekretari i Mbrojtjes i SHBA-së Pete Hegseth, të paktën sulmi i katërt i tillë në javët e fundit. Presidenti amerikan Donald Trump ka përcaktuar se Shtetet e Bashkuara janë të angazhuara në "një konflikt të armatosur jo-ndërkombëtar" me kartelet e drogës. Ekspertët ligjorë kanë vënë në pikëpyetje ligjshmërinë e vrasjes së trafikantëve të dyshuar të drogës në det në vend që t'i kapin ata dhe ngarkesën e tyre. Në një postim në X, Hegseth tha se sulmi i fundit u krye në ujëra ndërkombëtare, pranë brigjeve të Venezuelës, raporton Reuters, transmeton Klankosova.tv. "Këto sulme do të vazhdojnë derisa të mbarojnë sulmet ndaj popullit amerikan!!!!", tha Hegseth.