Anija me emigrantë fundoset në kufirin Malajzi-Tajlandë, qindra të zhdukur

Qindra persona rezultojnë të zhdukur të dielën pasi një anije u fundos pranë kufirit Tajlandë-Malajzi, ndërsa u nxorën 10 të mbijetuar dhe një trup, tha autoriteti detar malajzian. Më shumë viktima mund të gjenden ende në det rreth tre ditë pas fundosjes së anijes, e cila u nis nga Buthidaung, Myanmar, me rreth 300 persona në bord, tha Admirali i Parë Romli Mustafa, drejtori i autoritetit detar të shteteve veriore malajziane të Kedah dhe Perlis, shkruan Reuters, transmeton Klankosova.tv. Midis të mbijetuarve të gjetur në ujërat pranë Langkawit ishin tre burra nga Myanmari, dy burra nga Rohingya dhe një burrë nga Bangladeshi, ndërsa trupi i pajetë ishte ai i një gruaje nga Rohingya, tha media shtetërore Bernama, duke cituar shefin e policisë së Kedah, Adzli Abu Shah.